About us


ເບື້ອງຫຼັງຂອງຄອບຄົວ Book Delivery


ເລີ່ມຕົ້ນໃນວັນທີ 8 ເດືອນຕຸລາ ປີ 2016, Book Delivery ໄດ້ຖືກກໍ່ຕັ້ງຂຶ້ນຈາກການລວມຕົວກັນຂອງໄວໜຸ່ມຜູ້ທີ່ມີໃຈມັກຮັກໃນການອ່ານ ໃນງານ Startup Weekend. ງານດັ່ງກ່າວເເມ່ນ ມີຈຸດປະສົງເພື່ອສ້າງຜູ້ປະກອບການຍຸກໃໝ່ ເຖິງວ່າພວກເຮົາບໍ່ໄດ້ຖືກຄັດເລືອກໃນຄັ້ງນັ້ນ ເເຕ່ພວກເຮົາກໍ່ເອົາຄວາມຮູ້ທີ່ໄດ້ຮຽນມາສ້າງທຸລະກິດຕົວຈິງ

 

ຈາກບັນຫາທີ່ໄດ້ພົບພໍ້, ຈາກປະສົບການຕົວຈິງກ່ຽວກັບການເລືອກຊື້ປຶ້ມ. ເຊິ່ງປຶ້ມທີ່ມີຢູ່ໃນລາວເເມ່ນມີຈຳນວນຈຳກັດ ເເລະ ລາຄາເເພງ ເຮັດໃຫ້ຫຼາຍໆຄົນຈຳເປັນຕ້ອງເດີນທາງໄປປະເທດໃກ້ຄຽງ ເພື່ອຊອກຫາປຶ້ມທີ່ຕົວເອງຕ້ອງການ.

ດ້ວຍເຫດຜົນນີ້ ພວກເຮົາໄດ້ນຳສະເໜີ ການບໍລິການເເບບໃໝ່ຄື ການບໍລິການຂາຍປຶ້ມເເບບອອນລາຍ ທີ່ມີ ເວັບໄຊທ໌ທີ່ບັນຈຸປຶ້ມ ຫຼາຍກວ່າ 10,000 ຫົວ ບໍ່ວ່າຈະເປັນປຶ້ມ ລາວ ແລະ ສາກົນ ໃຫ້ທຸກໆຄົນໄດ້ເລືອກຊື້. ພ້ອມດຽວກັນ ພວກເຮົາຍັງມີການບໍລິການສັ່ງ-ສົ່ງປຶ້ມເຖີງທີ່ ເພື່ອຮັບປະກັນຄວາມໄວ ເເລະ ຄວາມສະດວກສະບາຍຂອງຜູ້ຮັກອ່ານ.

ນີ້ເເມ່ນວິໄສທັດຂອງ Book Delivery:

·         ມື້ໜຶ່ງ ປະມານ 40% ຂອງຄົນລາວຈະຮັກອ່ານປຶ້ມ

·         ທຸກໆ ຄົນຈະຊື້ປຶ້ມນຳຮ້ານຄ້າທີ່ມີການບໍລິການ ເເລະ ທາງເລືອກ ທີ່ດີທີ່ສຸດ

·         Book Delivery ຈະເປັນໜຶ່ງ ໃນຮ້ານຂາຍປຶ້ມ ທີ່ມີຄົນເຂົ້າໄປໃຊ້ບໍລິການຫຼາຍທີ່ສຸດ

·         ພວກເຮົເຊື່ອວ່າຖ້າມີນັກຂຽນທີ່ສ້າງຜົນງານໂດດເດັ່ນ, ຄົນຈະສົນໃຈໃນການອ່ານຫຼາຍຂຶ້ນ. ສະນັ້ນ, Book Delivery ຈະສ້າງນັກຂຽນທີ່ດີສູ່ສັງຄົມ ຜ່ານທາງການເເຂ່ງຂັນ, ການຈັດສັນພິມປຶ້ມ ເເລະ ການຂາຍ.

ພວກເຮົາມີຄວາມເຊື່ອວ່າຄວາມໄວທີ່ລູກຄ້າໄດ້ຮັບຈາກການສັ່ງຊື້ ອອ່ນລາຍ ຈະເປັນຕົວຊີ້ບອກໃຫ້ພວກເຂົາ ກັບຄືນມາໃຊ້ບໍລິການກັບພວກເຮົາອີກໃນອະນາຄົດ. ສະນັ້ນ, ພວກເຮົາຍົກສູງຄວາມສໍາຄັນໃນການບໍລິການ ເພື່ອຮັບປະກັນໄດ້ວ່າ ລູກຄ້າຈະໄດ້ຮັບເຄື່ອງທີ່ດີ, ວອງໄວ, ປອດໄພ ແລະ ເພິ່ງພໍໃຈ. ເພື່ອຮັບປະກັນໃຫ້ບັນລຸຕາມເປົ້າໝາຍດັ່ງກ່າວ ພວກເຮົາໄດ້ມີສາງເຄື່ອງເພື່ອສະຕ໋ອກເຄື່ອງທຸກໆຢ່າງທີ່ເຮົາຈຳໜ່າຍໄວ້ຢ່າງຄົບຖ້ວນ ແລະ ປອດໄພ.